निमगाव शाळेत दिवाळीचा सोहळा थाटात ‘दीपोत्सव आनंदाचा’ उपक्रमाने खुलला शिक्षणाचा रंगतदार सण!

 प्रतिनिधी/निमगाव खैरी

श्रीरामपूर :तालुक्यातील जिल्हा परिषद प्राथमिक शाळा, निमगाव येथे नुकताच “दीपोत्सव आनंदाचा” उपक्रम उत्साहात पार पडला. विद्यार्थ्यांच्या सर्वांगीण विकासासाठी अशा उपक्रमांची गरज असल्याचे प्रास्ताविक करताना मुख्याध्यापक संतोष वाघमोडे यांनी सांगितले.कार्यक्रमात शिक्षिका मिना निकम यांनी दिवाळी सणाचे महत्त्व विद्यार्थ्यांना समजावून सांगितले. दिवाळीनिमित्त शालेय पोषण आहार स्वयंपाकी व मदतनीस श्रीमती राधाबाई निमसे व अनिता निमसे यांचा साडी-चोळी व दिवाळी फराळ भेट देऊन शाळा व्यवस्थापन समिती व शिक्षकांच्या वतीने सन्मान करण्यात आला.विद्यार्थ्यांनी शिक्षकांच्या मार्गदर्शनाखाली स्वतः बनवलेले आकर्षक आकाशदिवे, रंगविलेल्या पणत्या व शुभेच्छा कार्डांचे प्रदर्शन भरविले. वर्गासमोर सुंदर रांगोळ्या व फुलांची सजावट करून शाळेचा परिसर उजळून निघाला.

       या उपक्रमामुळे विद्यार्थ्यांमध्ये नवचैतन्य निर्माण झाल्याचे प्रतिपादन ग्रामपंचायत सदस्या पूजा कालंगडे यांनी केले. कार्यक्रमास शाळा व्यवस्थापन समितीचे अध्यक्ष गणेश तरस, उपाध्यक्षा सोनाली साबळे, ग्रा.पं. सदस्या पूजा कालंगडे, महेंद्र साबळे, राधाबाई निमसे, अनिता निमसे, वनिता निमसे, अनुसया रोहोम, लक्ष्मी सोळसे, विजय खपके, आशाबाई धुळगंड आदी पालक उपस्थित होते.कार्यक्रम यशस्वी करण्यासाठी शिक्षक संतोष वाघमोडे, प्रतिभा तोरणे, मिना निकम व सुधा गमे यांनी परिश्रम घेतले. शेवटी अध्यक्ष गणेश तरस यांनी सर्वांचे आभार मानले.या उपक्रमाचे निमगाव खैरीचे सरपंच दत्तात्रय झुराळे व उपसरपंच विजयसिंग परदेशी यांनी अभिनंदन केले.